ಕನಸು

ಪ್ರಪಾತದ ತುತ್ತುದಿಯಿಂದ

ಜಿಗಿವಾಗ

ಮದ್ಯೆ ಮರೆತೇಹೋಯಿತು

ಕಲಿತ ಈಜು

ಏಲಿಯೆಟ್ಟನ ಹಳದಿ ಬೆಳಕಿನ

ಸಂಜೆಯಲಿ ಕಫ್ಕಾನ ನಾಯಕರು

ಮುಗುಳ್ನಕ್ಕರು

ದುತ್ತನೆರಗಿದ ಕಾಡಿನಲಿ

ಗುತ್ತಿ ಸಿಗಲಿಲ್ಲ

ತಗಡು ಡಬ್ಬಿಯಲಿ

ಕೆಂಡದಹೊಗೆಯೊಂದಿಗೆ

ನಡೆವ ಹುಚ್ಚರು

ಜೊತೆಯಾದರು

ಹೊಸ ವರುಷ ೨೦೦೯

ಕಾಲ-ಯಮನ
ಗರಡಿಯಲಿ ಮತ್ತೊಂದು
ಬಲಿಯುತಿದೆ
ಹೊಸವರುಷ

ಧ್ವನಿ

ಹಾಡಲು ಕಲಿಸಿದ

ಹಕ್ಕಿಯೇ

ನನ್ನ ಧ್ವನಿಯನ್ನು ಹಿಂದಿರುಗಿಸು;

ನಾನು ನಾಳೆಗಳಿಗೆ

ನಡೆಯಬೇಕಿದೆ

ಭಯವಿಲ್ಲದೆ

ಸುಮ್ಮನೆ

ಅರಳಬೇಕು;

ಮುದುಡುವ,

ಬಾಡುವ,

ಉದುರುವ ಭಯವಿಲ್ಲದೆ

ಪದ್ಯ

ಚಿತ್ರದಲಿ

ಹಗಲಾಗಿಲ್ಲ

ಅದಕ್ಕೆ ಈ

ಪದ್ಯ ಮುಗಿದಿಲ್ಲ

ಇವೆಲ್ಲ ನನ್ನ ಸುತ್ತ ಕಟ್ಟಿದ

ಗೋಡೆಯ ಮೇಲೆ ಮೂಡಿದವು

ಹೊರ ಪರಿಸರದಿಂದ

ಅವಮಾನಿತವಾದವು

ಭಾವ-ಭಾಷೆ

ಭಾವ ಭಾಷೆಯಾಗುವುದು

ಭಾಷೆ ಭಾವವಾಗುವುದು

ಬೇರೆ-ಬೇರೆ ತಾನೆ?

ನೋಟ

ನಿನ್ನ ಕಣ್ಣಿಗೆರಡು

ಗೆಜ್ಜೆ ತೊಡಿಸಿದ್ದೇನೆ



ನೀ ಕುಡಿನೋಟ

ಬೀರಿದಾಗೆಲ್ಲ ಅದು ನನ್ನೆದೆಯಲಿ

ಸದ್ದಾಗುತ್ತದೆ.

ಗೆಜ್ಜೆ

ನಿನ್ನ ಕಣ್ಣಿಗೆರಡು

ಗೆಜ್ಜೆ ತೊಡಿಸಿದ್ದೇನೆ



ನೀ ಕುಡಿನೋಟ

ಬೀರಿದಾಗೆಲ್ಲ ಅದು ನನ್ನೆದೆಯಲಿ

ಸದ್ದಾಗುತ್ತದೆ

ಮೌನ

ಚೆಲು ಮಾತು
ಮುಗಿದು ಮೌನದ
ದಂಡೆಯಲಿ ನಿಂತೆ

ನಿನ್ನ ಹೊರತಾದ
ಮೌನವೂ
ಇಷ್ಟವಾಗಲಿಲ್ಲ

ಯೌವ್ವನ

ಒಲವ ಮೊಗದಲಿ
ಮೂಗುತಿಯ ಮಿನುಗು
ಯುಗಾಂತರಗಳ ಭಾಷೆ

ನಾನು ನಿರಂತರ
ಯೌವ್ವನಿಗ

ಗೆಳತಿ

ಕೆಲವೊಮ್ಮೆ ಹೆಂಡತಿ
ಜೊತೆಗಿದ್ದೂ ಕಾಡುತ್ತವೆ
ಕೆಲವು ನೆನಪುಗಳು
ಗೆಳತಿಯಾಗಿ

ಬೆಳಕು

ಹಣತೆ ಮಾರುವ ಹೆಂಗಸು
ನಾಳೆಗೆ ಇರಲಾರಳು
ದುಡ್ಡಿದ್ದವರು
ಇಂದೇ ಕೊಂಡುಕೊಳ್ಳಬಹುದು
ಬೆಳಕು