ಬಿಡು ಭಯ

ಕಲ್ಲಿಗಿಲ್ಲ ಮುಳ್ಲಿಗಿಲ್ಲ

ಹೂವಿಗೇಕೆ ಸೌಸವ ~ ಅಡಿಗ

ನಿನಗೆಂದೇ ಪ್ರತ್ಯೇಕ

ನುಡಿಯೊಲುಮೆ;

ಭಾವ ಚೆಲುವ ಒಡಲ ದನಿ

ಒಲುಮೆ ತೊರೆಯ ಹಂಗು;

ನಿತ್ಯ ಇರಲಿ ಕಾತುರ

ಇದ್ದರೇನು ಇನಿಯ ದೂರ

ಭಯವೇ ಬರದು ಹತ್ತಿರ

ಸಾಕ್ಷಿ

ಕಡಲ ತಡಿಯ ಉಸುಕಿನ

ದಂಡೆಯಲಿ ಕಾಲೂರಿ- ನಿಂತಂತೆ

ಅಂಟಿದ ಮರಳ ಕೊಡವಿ- ನಡೆವಂತೆ

ಈಗ;

ಅವಳು ಮುಟ್ಟಿದೆಡೆ

ಸೋಪು ನಾರುತಿಲ್ಲ

ಕನ್ನಡಿಯ ಮೇಲೆ ಬಿಂದಿ ಹಚ್ಚಿಟ್ಟು ಮರೆತಿಲ್ಲ

ಕಿಟಕಿ ಸರಳಿನಲಿ ನವಿಲ ನೀಲಿ ಕಣ್ಣ ನೆನಪಿಸುವ

ಹೇರಳ ಕೂದಲೂ ಉಳಿದಿಲ್ಲ

ಈಗವಳು ನಡೆದ ಕುರುಹು ಇಲ್ಲ

ಎಲ್ಲ ಇಲ್ಲವಾಗುತ್ತಲೆ

ಇದ್ದಾಗಿನ ಸಾಕ್ಷ್ಯಗಳ ನೆನಪು