ಬಿಡು ಭಯ

ಕಲ್ಲಿಗಿಲ್ಲ ಮುಳ್ಲಿಗಿಲ್ಲ

ಹೂವಿಗೇಕೆ ಸೌಸವ ~ ಅಡಿಗ

ನಿನಗೆಂದೇ ಪ್ರತ್ಯೇಕ

ನುಡಿಯೊಲುಮೆ;

ಭಾವ ಚೆಲುವ ಒಡಲ ದನಿ

ಒಲುಮೆ ತೊರೆಯ ಹಂಗು;

ನಿತ್ಯ ಇರಲಿ ಕಾತುರ

ಇದ್ದರೇನು ಇನಿಯ ದೂರ

ಭಯವೇ ಬರದು ಹತ್ತಿರ

ಸಾಕ್ಷಿ

ಕಡಲ ತಡಿಯ ಉಸುಕಿನ

ದಂಡೆಯಲಿ ಕಾಲೂರಿ- ನಿಂತಂತೆ

ಅಂಟಿದ ಮರಳ ಕೊಡವಿ- ನಡೆವಂತೆ

ಈಗ;

ಅವಳು ಮುಟ್ಟಿದೆಡೆ

ಸೋಪು ನಾರುತಿಲ್ಲ

ಕನ್ನಡಿಯ ಮೇಲೆ ಬಿಂದಿ ಹಚ್ಚಿಟ್ಟು ಮರೆತಿಲ್ಲ

ಕಿಟಕಿ ಸರಳಿನಲಿ ನವಿಲ ನೀಲಿ ಕಣ್ಣ ನೆನಪಿಸುವ

ಹೇರಳ ಕೂದಲೂ ಉಳಿದಿಲ್ಲ

ಈಗವಳು ನಡೆದ ಕುರುಹು ಇಲ್ಲ

ಎಲ್ಲ ಇಲ್ಲವಾಗುತ್ತಲೆ

ಇದ್ದಾಗಿನ ಸಾಕ್ಷ್ಯಗಳ ನೆನಪು

ನಿಲುವುಗಳ ಹಿಂದೆ

ಹಾದರದಲಿ ದಣಿದು ಬಂದವಗೆ

ಹೆಂಡತಿಯ ಕಣ್ಣ ನೋಟ ಇರಿದಂತೆನಿಸಿ

ಕಾಣದೆ ನಡೆಸಿದ ಸಂಚು ಅವಮಾನಕ್ಕೆ ದೂಡಿತು



ಮತ್ತೆ-ಮತ್ತೆ ನೋಡಲಾಗ; ಪೆದ್ದುತನ

ಬುದ್ದಿವಂತಿಕೆಯ ನಾಚಿಸಿ

ಮುಗ್ದತೆ; ನಿಷ್ಕಾಮ ಪ್ರೀತಿ- ಒಲವ ಗೆದ್ದಿತು

ಹಾಯ್ಕುಗಳ ಮೊದಲ ಸಾಲುಗಳು

• ದಿನವೂ ನಡೆ ಹಾದಿಯಲಿ ಕಾಣಸಿಗುವ ಜವಳಿ ಅಂಗಡಿಯ ಗೊಂಬೆಗೆ ನಾನು ನಾಚಿಕೊಳ್ಳುವ ಕಾರಣ ಗೊತ್ತಿರಬಹುದೆಂಬ ಗುಮಾನಿಯಿದೆ!!

• ಆ ಹಾಡುಗಾರ್ತಿಯ ಮನೆಯ ಪಂಜರದಲಿ ಕೋಗಿಲೆಗೆ ಬದಲು ಗಿಳಿಯಿದೆ!

• ಸದಾ ಬಡವನ ಹಸಿವಿಗೆ ಸ್ಪಂದಿಸುವುದಾಗಿದ್ದ ಮೈಕಿನ ಮೌತ್ ಪೀಸೊಂದರ ಜೀವ ಬಡಾಯಿಕೊರನ ಕೈಯ್ಯಲ್ಲಿದೆ!