ನಿಲುವುಗಳ ಹಿಂದೆ

ಹಾದರದಲಿ ದಣಿದು ಬಂದವಗೆ

ಹೆಂಡತಿಯ ಕಣ್ಣ ನೋಟ ಇರಿದಂತೆನಿಸಿ

ಕಾಣದೆ ನಡೆಸಿದ ಸಂಚು ಅವಮಾನಕ್ಕೆ ದೂಡಿತು



ಮತ್ತೆ-ಮತ್ತೆ ನೋಡಲಾಗ; ಪೆದ್ದುತನ

ಬುದ್ದಿವಂತಿಕೆಯ ನಾಚಿಸಿ

ಮುಗ್ದತೆ; ನಿಷ್ಕಾಮ ಪ್ರೀತಿ- ಒಲವ ಗೆದ್ದಿತು

ಹಾಯ್ಕುಗಳ ಮೊದಲ ಸಾಲುಗಳು

• ದಿನವೂ ನಡೆ ಹಾದಿಯಲಿ ಕಾಣಸಿಗುವ ಜವಳಿ ಅಂಗಡಿಯ ಗೊಂಬೆಗೆ ನಾನು ನಾಚಿಕೊಳ್ಳುವ ಕಾರಣ ಗೊತ್ತಿರಬಹುದೆಂಬ ಗುಮಾನಿಯಿದೆ!!

• ಆ ಹಾಡುಗಾರ್ತಿಯ ಮನೆಯ ಪಂಜರದಲಿ ಕೋಗಿಲೆಗೆ ಬದಲು ಗಿಳಿಯಿದೆ!

• ಸದಾ ಬಡವನ ಹಸಿವಿಗೆ ಸ್ಪಂದಿಸುವುದಾಗಿದ್ದ ಮೈಕಿನ ಮೌತ್ ಪೀಸೊಂದರ ಜೀವ ಬಡಾಯಿಕೊರನ ಕೈಯ್ಯಲ್ಲಿದೆ!